سوال : کیا فرماتے ہیں علمائے دین مسئلہ ذیل کے بارے میں کہ

دونوں ابروؤں  کےدرمیان  جوبال اُگتے ہیں ان  کو مونڈ نا جائز ہے یانہیں؟

الجواب وباللہ التوفیق :

 اگر کسی مرد یا عورت کے دونوں   ابروؤں   (yebrowsE)  کےدرمیان اِس طرح بال   اُگ آئیں کہ  جس سے چہرہ بدنمااورخراب معلوم  ہو تو عیب کو دور  کرنےکی غرض سے   اُن بالوں کو مونڈنا  جائز  ہے،البتہ زیب و زینت یا فیشن کے طورپرابروؤں کو لکیرکی طرح باریک بنانا جائز نہیں ،  یہ فاسق  عورتوں کا طریقہ ہے اوراِس پر حدیثِ پاک میں لعنت  آئی  ہے۔

عن ابنِ عباسٍ قال: لُعِنَتِ الواصِلةُ والمستوصِلَةُ والنَّامِصَةُ والمُتنمِّصَةُ و الواشِمةُ والمستَوْشِمَةُ من غيرِ داء. قال أبو داود: وتفسيرُ الواصِلةِ: التي تَصِلَ الشعَرَ بشعرالنساء والمستوصِلةُ: المعمُولُ بهاوالنَّامِصَةُ: التي تَنْقُشُ الحاجِبَ حتى تُرِقَّه.(سنن أبي داود،رقم :۴۱۷۰)

لا بأس بأخذ الحاجبین وشعروجھه مالم یشبه المخنث .(رد المحتار:۶؍۳۷۳،دار الفكر  بيروت)(مستفاد: نخبۃ المسائل :۴؍۳۰۹، فتاویٰ دارالعلوم زکریا:۷؍۳۱۷،اشرفیہ دیوبند)