سوال : کیا فرماتے ہیں علمائے دین مسئلہ ذیل کے بارے میں کہ

 کیامردوں کوانگوٹھی پہننا جائز  ہے، اگر جائز ہے تو کتنےگرام تك كی پہننا  جائز ہے  اور  ایک سے         زائد  انگوٹھی  پہننے  کیاحکم‌ہے؟

الجواب وباللہ التوفیق :

 مردوں کوصرف  چاندی کی ایک انگوٹھی پہننا جائز ہے ،  جبکہ اُس کی مقدار ایک مثقال  سے زائدنہ ہو ،ایک  مثقال کا وزن  موجودہ گرام کے حساب   4 گرام  ،374    ملی گرام   بنتاہے ؛لہذا   اس  سے  زائد    وزنی   انگوٹھی پہننا ،اسی طرح  ایک سے زیادہ  انگوٹھیاں   پہننایا چاندی  کے علاوہ  کسی بھی دھات    (سونا،  لوہا،  تانبا،  پیتل)     کا  استعمال ناجائز  اور  گناہ  ہے۔

 (مستفاد: فتاویٰ قاسمیہ :۲۴؍۳۹۶،فتاویٰ محمودیہ :۱۹؍۳۴۵ ، اشرفی بک ڈپو دیوبند)